Имрӯз, тақрибан соати 13:00 дар постгоҳи Ҳушёрӣ мардуми деҳаҳои Ҳушёрӣ ва гирду атрофи он ҷамъ омада, барои пулакӣ намудани роҳи Душанбе – Чаноқ эътироз карданд. Эътирозгарон талаб доранд, ки истифодаи роҳ барои мардуми минтақаи Варзоб бепул карда шавад. Дар ин мавзӯъ тафсилоти бештарро дертар баён хоҳем кард.
Ёдовар мешавем, ки роҳи Душанбе – Чаноқ аз 1-уми апрели соли ҷорӣ пулакӣ карда шуд ва автомашинаҳое, ки бо ин роҳ ҳаракат мекунанд, барои ҳар як километри он аз 30 диррам то 1,8 сомонӣ бояд пардохт кунанд. Мардуми деҳаи Варзоб, Ҳушёрӣ ва дигар қишлоқҷойҳо ҳамарӯза аз ин роҳ истифода мебаранд ва дар як рӯз чанд маротиба дар вақти убури постгоҳҳои пардохти маблағ, ҳаққи роҳ месупоранд. Мақсад аз ҷамъ омадани онҳо низ дар ҳамин буд.
Filed under: Асосӣ, Роҳҳо, Душанбе, Митинг, Таджикистан
Тозатарин вокунишҳо