Шӯхиҳои Мақсадуллоҳ (қисми2)

Шӯрбахтӣ
Аз тақдир ҳаргиз нанолед! Шояд барои ӯ низ бо Шумо будан он қадар хушоянд нест.

Бенасиб

Мардикори тоҷик ду дона хлебу як қуттӣ сигор харид, дар роҳ бо хадамоти пайроҳадории милисаҳои рус вохӯрду донист: Насиба надоштааст.

Эълон

Дар сутуни хати сарҳад: «Сарҳадшиканони мӯҳтарам! Бо сабаби норасоии лавозимоти ҳарбӣ дигар тирҳои огоҳикунанда ба ҳаво парронда намешаванд».

Filed under: Тоҷикистон, Анекдоты, Душанбе, Латифахо, М. Максадуллох, Таджикистан, таджикский журналист

Фарзонаи Хуршед зиндонӣ мешавад?

Фарзонаи Хуршед, овозхони ҷавони тоҷик, пас аз се рӯзи боздошти муваққатӣ дар яке аз боздоштгоҳҳои шуъбаи корхои дохилии шаҳри Душанбе озод шудааст. Дар сӯҳбат модари Фарзона Сурайё Қосимова ин хабарро тасдиқ карда, гуфтааст, ки фарзандаш ҳоло ҳамроҳ бо ӯст. Тавре Қосимова нақл кардааст, сабаби боздошти Фарзона ба мурофиаи додгоҳии номзади ӯ рабт доштааст. Ба гуфтаи ӯ, номзади Фарзона, яъне Фаррух ном ҷавоне, толори додгоҳи ноҳияи Синоро тарк намуда, ҳамроҳ бо Фарзона, ки аз асли қазия хабар надоштааст, ба тарафи Варзоб ҳаракат кардаанд. Аслан Фаррух бо иттиҳоми қаллобӣ муттаҳам мешуд.

Filed under: Тоҷикистон, ВКД Таджикистан, Душанбе, Сурайё, Фарзонаи Хуршед

Баъди 28-соли ҷудоӣ падару писар бо ҳам вохӯрданд

Фарзанди гумшудаи Бегиҷон Боев, сокини ноҳияи Рашт, имрӯз баъд аз 28 сол аз Русия ба дидори падар омадааст.
Эраҷ , фарзанди Бегиҷон Боев, дар Ғарм ба дунё омадааст. Пас аз зиндонӣ шудани падараш дар соли 1982 замоне, ки ҳамагӣ ду моҳ дошт, ӯро модари русаш Надежда Боева бо худ ба шаҳри Нижний Новгороди Русия бурдааст, иттилоъ медиҳад хабаргузории Озодӣ.
Эраҷ мегӯяд, модараш бо муҳаббати беандозае, ки нисбати тоҷикону Тоҷикистон дорад, ҳамеша дар бораи ин диёр ва пайвандони дар Ғарм мондаи ӯ нақл мекард.

Filed under: Инсон, Бегиҷон Боев, Нижний Новгород, Рашт, Русия, Эраҷ Боев

Шӯхиҳои Мақсадуллоҳ

Маҳмадалӣ Мақсадуллоҳ яке аз қаламкашони соҳибтаҷриба ва соҳибмақом дар миёни рӯзноманигорони Тоҷикистон буда, айни замон ба ҳайси муҳаррир дар ҳафтаномаи «Тоҷикистон» фаъолият мекунад. Ин замон тасмим гирифтем, ки дар торнигор як зумра аз лутфу латоифи устоди гиромиро, ки дар робита ба бурду бохти соли гузаштаи Тоҷикистон эҷод шудаанд, пешкаши хонанда гардонем.

Якдилӣ

«Пул наметавонад зиёдатӣ бошад…» – ақида доранд мардум. Ва давлат онҳоро дастгирӣ менамояд: «Набояд мардум соҳиби пули зиёдатӣ бошанд».

Filed under: Тоҷикистон, Анекдоты, Душанбе, Латифахо, М. Максадуллох, Таджикистан, таджикский журналист

Барои “Роғун” пул ҷамъ мекунанд

Фото Исфандиёр

Рӯзи 6 январ дар нуқтаҳои алоҳидаи шаҳри Душанбе фурӯши саҳмияҳои Роғун ба роҳ монда шуд. Дар раванди иштироки сокинони шаҳри Душанбе суратҳое аккосӣ кардам, ки мехоҳам ба маърази тамошо  гузорам.

Filed under: Асосӣ, Тоҷикистон, Рогунский ГЭС

Ифтитоҳи бурҷи Дубай, баландтарин сохтмони ҷаҳон

Баландтарин сохтмони ҷаҳон рӯзи душанбе, 2 январ, дар Дубай расман ифттитоҳ шуд. Баландии Бурҷи Дубай беш аз 800 метр аст, ки назар ба осмонбӯси Тайпей 101 дар Тайван тақрибан 300 метр баландтар мебошад. Маросими ифтитоҳи Бурҷи Дубайро ҳокими ин иморат Шайх Муҳаммад Рашид бин ал-Махдум раҳбарӣ кард. Ифтитоҳи он дар ҳоле барпо шуд, ки иморати Дубай дар пайи бӯҳрони саросарии молӣ ба мушкилоти иқтисодӣ ва коҳиши башиддати нархи манзил рӯбарӯ шудааст. Аммо Муҳаммад Алаббар, мудири ширкати масъули эҳдоси Бурҷи Дубай гуфтааст, ин осмонбӯс дар пайи бӯҳрони молӣ ба мардум паёми хушбинона хоҳад дод.

Filed under: Ҷаҳон, 834 метр, Бурчи Дубай, Самий високий в мире

Расмҳо аз сафари расми президенти Эрон Маҳмуд Аҳмадинажод ба Тоҷикистон

Filed under: Тоҷикистон, Официальний визит Маҳмуд Аҳмадинажод, Тоҷикистон, Эмомали Рахмон